ផេនដា ខមមើសល ប៊ែង ម.ក (រឺមួួយក៏ ធនាគារផេនដា) មានវត្តមានក្នុងប្រទេសកម្ពុជា ក្រោមការចុះបញ្ជីការរបស់ក្រុមហ៊ុនដែលមានលេខ ០០០៤៣៦៩៥ ដែលចេញដោយក្រសួងពាណិជ្ជកម្ម ចុះនៅថ្ងៃទី ១២ ខែ មិថុនា ឆ្នាំ ២០១៩ និងមានអាជ្ញាប័ណ្ណលេខ  ប៥០ ចេញដោយធនាគារជាតិនៃកម្ពុជា ចុះនៅថ្ងៃទី 0៦ ខែធ្នូ ឆ្នាំ ២០១៩។ ធនាគារផេនដាចុះបញ្ជីមានទីតាំងស្ថិតនៅ ផ្ទះលេខ ៣១ មហាវិថីម៉ៅសេងទុង ផ្លូវ ២៤៥ សង្កាត់ បឹងកេងកង១ ខណ្ឌបឹងកេងកង រាជធានីភ្នំពេញ ប្រទេសកម្ពុជា។ ក្នុងនោះផងដែលធនាគារផេនដាកំពុងដាក់ពាក្យស្នើរសុំបើកសាខាទី ២ សិ្ថតនៅក្រុងព្រះសីហនុ ខាងក្នុងផ្សារទំនើបព្រីនស៍ នៅក្នុងត្រីមាសទីបីនៃឆ្នាំ ២០២២ និងទទួលបានការយល់ព្រមពីធនាគារជាតិនៃកម្ពុជាក្នុងខែកុម្ភៈ ឆ្នាំ ២០២២។

នៅចុងឆ្នាំ ២០២២ ធនាគារផេនដាមានគំរោងក្នុងការបើកសាខាពីរបន្ដទៀតនៅរាជធានីភ្នំពេញ សាខាទីមួយ ការិយាល័យកណ្ដាល មានទីតាំង សិ្ថតនៅទួលគោក និងសាខាទីពីរ នៅតាមបណ្ដោយមហាវិថីព្រះមុនីវង្ស ម្ដុំផ្សារធំថ្មី។ គិតនៅត្រឹមខែមីនា ឆ្នាំ២០២២ សាខាទាំងពីរនេះកំពុងដំណើរការសាងសង់ និងជួសជុល។ នាពេលអនាគត ធនាគារផេនដាមានបំណងបើកសាខាចំនួនប្រាំបន្ដទៀតនៅក្នុងឆ្នាំ ២០២៣ និង ឆ្នាំ២០២៤ នៅរាជធានីភ្នំពេញ និងតាមបណ្តាខេត្តនានា។ ធនាគារផេនដាមានគំរោងក្នុងការពង្រីកខ្លួនទៅដល់ ៣០ សាខាទូទាំងប្រទេសកម្ពុជា សិ្ថតនៅរាជធានីនិងតាមបណ្ដោយខេត្តធំៗដូចជា ក្រុងព្រះសីហនុ កំពត សៀមរាប បាត់ដំបង កំពង់ចាម កំពង់ឆ្នាំង ជាដើម។